روايه رائعه كامله الفصول بقلم لميس عبد الوهاب
المحتويات
العزيز زافرا بضيق
_انا وسلمى كويسي والله لكن هدى لا
فاطمة بقلق
_ليه بس كفى الله الشړ مالها
عبد العزيز
_ادهم بقالو مدة مش بيجيلها ومبتبطلش بكا لا ليل ولا نهار
فاطمة بحسرة
_ادهم ...ياحبة عيني عيان قوي يا حاج عبد العزيز حتى انا قاعدة عنده في شقته ومعايا اتنين دكاترة اصحابه ما انت عارفهم حازم وأكرم بيجولوا كل يوم عشان يتابعوا حالته
_يا ساتر يارب هي حالته صعبة قوي كدة !!
فاطمة
_ايوة والله ده حتى معدش بيتحرك من السرير من ضعفه انت لو شفته معنتش هتعرفوا
عبد العزيز
_طيب انا هجيلو النهاردة انا وهدى يا حاجة
فاطمة
ومالو يا حاج تشرف وتنور يا اهلا وسهلا
انهى عبد العزيز المكالمة وهو يزفر بارتياح من فكره عدم تخليه عن هدى ثم اتجه من فوره لغرفة سلمى والتى واضح جدا من خلف ابوابها شدة الصړاخ والعصبية
عبد العزيز
_مالك بس يا هدى
هدى وهي تقفز من سرير والدتها لتتعلق برقبته هاتفة پبكاء
_انا عاوزة بابا يا جدو ...خليه يجي عشان خاطري
عبد العزيز وهو يربت على ظهرها برفق
_حبيبتي بابا عيان خالص ونايم في السرير
هدى
_عيان !!...طب وديني انت له يا جدو ..عشان خاطري خليني اروح له
عبد العزيز وهو يطبع قبلة اعلى راسها
_خلاص يا حبيبتي روحي لدادة كريمة خليها تغير لك هدومك وانا هخدك اوديكي له
_هيييه ...حبيبي يا جدو ... هلبس بسرعة بس اوعى تمشي من غيري
واسرعت راكضة لغرفتها في حين انفعلت سلمى وهتفت پغضب
_ازاي تاخدها وتروح لحد عنده يا بابا انا مش هخليها تروح له ابدا وتفرض نفسها عليه
عبد العزيز
_يابنتي الراجل تعبان متظلمهوش
سلمى
_لا يا بابا دي حجة بيداري بيها انه بيتهرب من هدى وعاوز يبعد
_طيب اهدى بس واسمعيني ..انا مكلمتوش انا كلمت الحاجة فاطمة مرات عمك الله
يرحمه وهي اللي قالتلي وبعدين ده حتى هي كمان قاعدة عنده في شقته عشان تراعيه مع اتنين دكاترة بيتابعوا حالته
سلمى بهمس وبدون ان تشعر _هو للدرجة دي تعبان
سمعها عبد العزيز جيدا ولكنه ادعى عدم السمع فهتف
_هاه بتقولي حاجة يا سلمى
_لا يا بابا مش بقول حاجة ..على العموم حاول متتأخرش هناك عشان ميعاد الدوا بتاعك
عبد العزيز بتوجس
_ربنا يسهل ..بس انت مش هتيجي معانا ولا ايه
سلمى بعند
_لا طبعا انا لا يمكن اروح بيته
عبد العزيز بمكر
_براحتك يا بنتي بس انا كنت بقول ان الراجل كان ملازم لهدى في مرضها ومكنش بيروح بيته عشانها ..ده غير انه حماكي انت وهدى من الزفت عبد الله فا انا شايف ان الاصول بتقول انك لازم تردي له اللي عمله بانك على الاقل تزوريه في مرضه وده طبعا لانك مش أي حد والكل عارف انك تعرفي في الواجب والاصول يابنتي ..بس عموما براحتك انا مش هغصب عليكي
وخرج من غرفتها وهو يرى على وجهها ملامح التوتر والارتباك واهمها الحيرة والضياع لكنه الټفت على هدى التي تجذبه من يده ليذهب معها فنظر لها قليلا ثم نزل لمستواها وهمس لها ببضع كلمات سمعتهم ثم ضحكت وصفقت بيديها وهي تركض لغرفة والدتها فتركها عبد العزيز وانطلق لسيارته لينتظرهما هناك وهو يعلم ان حيرتها تلك لن تنهيها غير هدى بالتاكيد وصدق حدسه عندما وجد بعد قليل هدى تخرج من الفيلا ومعها والدتها وركبا معه دون كلام لم يشا ان يضغط عليها وتركها تفكر دون ضغط حتى لا ټندم لاحقا
في شقة ادهم كان هو طريح الفراش يمزقه عدم وجود احد من اهله بجانبه تركوه وواضح انهم نسوه ايضا ومن يهتم به ويتابعه الاغراب فيالكم من اهل يا عائلة الرفاعي ..كان كلما زادت افكاره في جراحه تلك كانت درجة حرارته تعلو اكثر واكثر ولكن لرفضه الشديد
المكوث بالمستشفى حتى لا يكون تحت ايدي من هم يعملون تحت يده اضطر حازم وأكرم دكتور التخدير بالمستشفى وصديق لادهم وحازم ومدحت ان يلازماه ويتابعانه يوميا في منزله لتدهور حالته فتحولت غرفته سريعا لغرفة شبيهه بغرف المستشفيات مما يوجد بها من الكثر من الادوية والمحاليل بل واجهزة التنفس الصناعي ايضا ...وهذا بالاضافة طبعا لفاطمة التي لم تتركه لحظة واحدة بمجرد علمها بمرضه ومعها طبعا تلك السيدة التي احضرها ادهم لرعايتها فكلتاهما كانت معه لخدمته ورعايته ونستطيع ان نقول ان فاطمة هي من استطاعت بجدارة ان تخفف من حدة وحدته وقهره من اهله وجراحه
متابعة القراءة
