روايه رائعه كامله الفصول بقلم لميس عبد الوهاب
المحتويات
مخدرة لعدة ساعات وهو الامر الذي اخبر به المضيفات متعللا انها لديها رهاب الطائرات ..
وليس خافيا على احد ان ذلك الاجراء كان بالاتفاق مع الدكتور طارق العريني والذي بمجرد وصول الطائرة للمطار حتى كان هناك سيارة اسعاف مجهزة لنقل سلمى الغافية مباشرة الى المركز وفي اثر السيارة كانت سيارة الدكتور طارق تلحقها بعد انجاز كافة الاجراءات على وجه السرعة فليس الدكتور طارق العريني بالشخص الهين في البلاد .
بعد وصول سلمى للمركز واطمئنان ادهم عليها توجه مع الدكتور طارق لغرفة مكتبه والذي سأله
ادهم
_ايوة انا مش عارف اشكرك ازاي يا دطارق
طارق
_مفيش شكر بين الاخوات يا ادهم ...وبطل دطارق دي انا مش اكبر منك بكتير هما كلهم 7أو سنين يعني مش كتير
ادهم
_انت اكبر مقاما واخلاقا يا دكتور
طارق
_لسة زي ما انت ...اخلاقك نادرة في الزمن ده يابني والله ..المهم هنعمل ايه دلوقتي
_اولا انا عاوز اقعد مع حضرتك عشان نحدد نظام ومراحل العلاج ...ثانيا كنت عاوز اعرف التكاليف كاملة ...ثالثا ...
طارق مقاطعا
_استنى ..استنى ...انت داخل عليا حامي كدة ليه اهدى بس شوية ...اولا بقى نظام العلاج ومراحله هنحتاج نعمل اشعات وعملية منظار اول عشان نعرف المړض وصل لاي مرحلة وعلى اساسها هنحدد العلاج ...ثانيا بالنسبة للتكاليف فا انت ليك في المركز ولا نسيت
_يا دكتور طارق لو سمحت ..انا ...
طارق مقاطعا
_يابني انت ناسي ان ليك نسبة من الارباح السنوية بناء على ابحاثك اللي بنطبقها هنا
ادهم
_بس ..
طارق
_مبسش ولا حاجة التكاليف هتتخصم من الارباح مفيش نقاش وملهاش دخل براتب شغلك الفترة دي هنا
ادهم
_متشكر يا دكتور
طارق
ادهم
_انا مش هسيب المركز طول ما سلمى فيه
طارق
_كنت واثق انك هتقول كدة ..عشان كدة انا خصصت لمدام سلمى جناح فيه اوضتين وحمام داخلي عشان تبقى معاها ...بس دلوقتي لازم تبقى جنبها وتفهمها الموضوع بالراحة لانها هتتصدم
ادهم وهو ينظر لساعته
طارق
_اتفضل
دخل ادهم الغرفة لسلمى وجدها غافية كما هي فجلس على مقعد بجانب السرير وهو يدعو الله من قلبه ان تمر تلك الفترة على خير ...بعد عدة دقائق بدأت سلمى تتململ في نومها محاولة استعادة وعيها فهب ادهم واقفا بجانبها منتظرا ان تستعيد كامل وعيها ليبدأحديثه معها فهمست بتلعثم من اثر المنوم
_ادهم ...ادهم احنا فين ..وايه اللي حصل
ادهم بهدوء
_سلمى حبيبتي عاملة ايه دلوقتي
سلمى وهي تتحسس جبينها
_حاسة بدوخة خفيفة كدة ..بس احنا فين ...انا فاكرة احنا كنا ..كنا في الطيارة مش كدة
ادهم وهو يجلس بجانبها على الفراش ويقبل رأسها هامسا
_حبيبتي لازم تعرفي ان أي حاجة بعملها او هعملها بعد كدة عشان صحتك ومصلحتك يا سلمى ...ولازم تكوني متأكدة انك اغلى حاجة عندي في الدنيا دي
سلمى بقلق
_انا مش فاهمة حاجة ..انا فين
ادهم
_قبل كل ده انا عاوزك
تعرفي ان مرضك مش نزلة معوية زي ما فهمتك انت عندك مرض اسمه جرثومة المعدة ومن غير أي كلام علمي الجرثومة دي بتعيش في المعدة وبتسبب الالم الحارق اللي بتحسي بيه ...في مصر مفيش علاج غير الاقراص ودي بتقضي عليها بنسبة بسيطة جدا وبيكون نسبة الاصاپة بيها تاني كبيرة جدا عشان كدة انا جبتك هنا
سلمى بتوتر
_جرثومة ...ادهم انا فين
ادهم وهو يحتوي انتفاضة يديها بين يديه
_حبيبتي احنا في السعودية
في مركز دطارق العريني ...ده اكبر مركز في الشرق الاوسط ومتخصص في علاج الحالات دي وبيقضي على الجرثومة دي بنسبة اكبر من العلاج المتوفر حاليا في مصر
سلمى پصدمة
_دقيقة واحدة ...ات ضحكت عليا !!..خدعتني !!هي دي العمرة ...جبتني هنا ڠصب عني وانت عارف اني هرفض
ادهم
_سلمى ارجوكي اهدي انا ...
فقاطعته غاضبة وهي تنفض يده بعيدا عنها
_انت كداب ...خدعتني بعد ما وثقت فيك ...انا ..انا مش هستنى هنا دقيقة واحدة
وهمت بالقيام من السرير والخروج من الغرفة حاول ادهم تهدئتها ولكنها لم تسمع اليه وعندما وصلت لباب الجناح الذي كان يحاول ادهم ان يسده بجسده ليمنعها من الخروج ..دخلت احدى الممرضات طالبة منه الذهاب فورا للدكتور طارق وترك سلمى لتجهيزها لعمل كافة الاشعات والتحاليل المطلوبة اضافة للمنظار ...فتراجعت سلمى للخلف وهي تشعر بالذعر حتى ارتطمت بصدر ادهم
متابعة القراءة
