روايه قصيرة القامه طويلة اللسان بقلم شيماء صبحي كامله
المحتويات
كانت صاحيه وبتضحك علي كلامه فقامت علشان تفتحله الباب وهيا بتضحك وهوا بصلها وقال بضيق بتضحكي .! عاجبك كدا تسيبيهم يضحكوا عليا ..
قمر هزت راسها وقالت بغيظ انا عماله اشرحلك وانت اللي مش فاهم..!
هادي بصلها شويه وبعدها اتفكر الموضوع اللي كانت تقصده امبارح وهوا فهمه متاخر وقال هو انتي بجد حامل يا قمر..
ابتسمت وهوا لفها ليه
وقال واللي مفرحتي اكتر انك انتي اللي هتبقي ام طفلي ..
قمر بصت في الارض بخجل وهوا قال يا لاهوي بق ام اولادي بتتكسف يا ولاد ..!
قمر ضړبته علي صدره بخفه وهوا شالها ولفها وهو بيقول بفرحه انا مش عارف عملت ايه حلو في حياتي يخليني اصحي الصبح علي الجمال دا كلو..
قمر ابتسمت وهوا قال اتمني ميطلعش قصير انا عايزه يكون طويل زي ابوه كدا.!
قمر ضمت حاجبها وقالت ومالهم القصيرين بق يا استاذ انت..
هادي ابتسم وقال احسن ناس بس يرضيكي يبق ابوه هادي الچرحي ويطلع اوزعه.
هادي ضحك وقال احسن ناس برضوا بس علي فكره الأوزعه دي تبق بنت عم القصيره..
قمر رفعت حاجبها وقالت تصدق ان دي معلومه غيرت حياتي..
هادي ضحك علي كلامها وقال تعرفي اني من زمان وانا مديكي لقب حلو اوي..
قمر بابتسامه لقب اي دا ويا رب يطلع حلو!!
قمر هزت راسها وقالت ايوا مهي دي الكلمه اللي عصبتني اصلا.. هادي ابتسم وقال وقتها بق قولت عليكي قصيرة القامة طويلة اللسان يعني قصيره بس لسانك طويل..
قمر بصتله وسكتت وهوا ضحك وقال بس طبعا اللقب دا انا نسيته من وقت العلقھ اللي اخدتها ..
قمر ابتسمت وهزت راسها وهوا قال حاجه سريعه بس قبل الشغل..
قمر ضحكت وهوا قفل الباب عليهم وهوا بيقول احلي ام عوض دي ولا ايه ...
قمر قالت پغضب متقوليش يا ام عوض انا ابني هيبق اسمه جمال..
هادي هز راسه وضحك وقال اه صاحب الشقه اللي فيها عفاريت..
قمر هزت راسها بضحك وقالت كنتو غلابه اوي ياعيني! هادي ابتسم وقال مش يلا بق يا ام جمال وريني الشغل اللي علي اصوله..
قمر ضړبته بخفه وقالت متنساش ان جمال في بطني يعني ممكن اصلا يكون رافض..
هادي بصلها پصدمه وقال يبق ميجيش احسن..
قمر ضحكت علي كلامه وهوا شدها عليه بلطف وهيا ابتسمت وبصتله في عينيه وهو قال وهوا بيبصلها بكل حب يخربيت كدا يا شيخه انتي حقيقه ولا خيال...قمر ابتسمت وهزت راسها وقالت لا جمال
___________
في شركة الچارحي وصل عبدالله وسعيد وهما بيتكلموا عن احوالهم العاطفيه وازاي حاسين بفراغ قاټل.. بس فجاه عبدالله خبط في بنت وقع الملفات اللي كانت مسكاها..
البنت پصدمه يا لهوي السي في اتلخبط..
صحبتها پصدمه من الي عمله عبدالله وقالت مش تحاسب يا استاذ انت بوظت السي في بتاعنا هنعدلهم ازاي بس دلوقت احنا متاخرين..
سعيد بص للبنت العصبيه دي وقال وهوا خبط فييها ولا هيا اللي مكنتش مركزه
البنت العصبيه ردت عليه وقالت ايوا هوا اللي مش مركز وبعدين في بني ادم طبيعي يمشي وهواباصص فوق و سرحان كدا ..
عبدالله كان بيبص للبنت التانيه وهيا بتلم الملفات اللي وقعت ومش مركز مع سعيد والبنت اللي بيتخانقوا..
البنت الهاديه كانت مستغربه نظرات الشاب الي قدامها ليها وقالت باستغراب في حاجه حضرتك
عبدالله بدا يساعدها وقال انا اسف مكنش قصدي اوقعلك الملفات ولو معندكيش مانع انا ممكن اساعدك نرجع كل حاجه مكانها..
البنت قالت برفض.. لا ملوش لازمه انا هعملهن.. قالت كلمتها وهيا بتشد من ايده الورق وبصت لصحبتها وقالت خلاص يا رحمه حصل خير الاستاذ اعتذر ..
صاحبتها وهيا بتبص لسعيد بغيظ.. كويس انه اعتذر انما في ناس تانيه مشمتش ريحة التربيه..
البنت شدت صاحبتها بسرعه وقالت ملوش لازمة الكلام دا يا رحمه انتي ناسيه اننا عندنا انترفيو!!
رحمه هزت راسها بضيق ومشيت مع صحبتها..
عبدالله بص لسعيد وقال في ايه يا بني متهدي هيا كلمتك..
سعيد بصلها وهيا ماشيه بغيظ وقال لسانها طويل بس موزه..
عبدالله ضحك وقال مش هتتغير خالص يا سعيد تعالا تعالا نروح نشوف شغلنا..
سعيد هز راسه ومشي مع محمد لحد ما وصل كل واحد مكتبه...
وفي مكتب ساره وقفوا البنتين وهما بيقولوا السلام عليكم احنا جايين علشان وظيفة السكرتيره
ساره ابتسمت
متابعة القراءة
