النصيب
المحتويات
تتجمع معاهم خصوصا فارس محتاجلك اكتر من اي وقت انا عارف انك متقدرش تمشي بس حسسهم بفرحة رمضان وانك جنبهم
حاضر هروح اتسحر معاهم واجى
ماشي يلا
يحيي روح وكانت نور قاعده ومعاها فارس
وكان جايبلهم سحور معاهم من برا وكان معاه عمو يحيي
نور
نعم يا يحيي
تعالى يلا يا حبيبتي جهززي السحور دا علشان نتسحر كلنا سوا
لا يحبيبتي هناكل كلنا سوا وبعدين انتى عوزا ماما تزعل منك وغير كدا انتى عندك دراسه ومدرسه علشان تعرفي تكملى يومك
حاضر
جهزت السحور واتسحروا كلهم سوا
فارس
نعم
مالك مش بتاكل لي
متعود انى اكل من ايد ماما ومتعود انها تكون معانا واحنا بناكل وجودها كان محلى الاكل والبيت وكل حاجه
هترجع ومش هتتاخر عتبرها مسافره ومتهملش في نفسك علشان لما ترجع تلاقي فارس زي ما هوا شقى ومطلع عينها
طيب يلا كل علشان تعرف تذاكر ولا مش عاوز العجله
حاضر
خلصوا سحور
وكان يحيي الكبير فخور جدا بيحيي ومبسوط أنه الاب لإخواته وأنهم بيحبوه جدا وانا عارف يسيطر على حزنه قدامهم
يحيي خرج راح المستشفى
وكان في حركه غريبه عند الأوضه بتاعت فريده
اتخض وجري ناحية الاوضه
المريضه فاقت
يحيي بسعاده
بجد
بس عندها شويه مضاعفات لو ملحقنهاش ممكن تدخل
في غيبوبه تاني ويا عالم هترجع امتى وممكن ټموت فيها
اي!
هوا في اي
المريضه فاقت
يحيي بسعاده
بجد
بس عندها شويه مضاعفات لو ملحقنهاش ممكن تدخل في غيبوبه تاني ويا عالم هترجع امتى وممكن ټموت فيها
انتو بتهزروا صح ماما عمرها مهتسبني هى هتفوق علشانى انا عارف خلوني أشوفها بس
يحيي دخل في نوبه هستيريه ونوبة بكاء اول مره تحصله مش متخيل أن أمه هتسيبه وتمشي كدا بالسرعه دي
الدكتور خرج وهوا بيتنفس الصعداء
يحيي جري عليه والدموع في عينيه
ها حصل اي يا دكتور طمني
الحمد لله قدرنا نسيطر عالوضع وهتفضل تحت الملاحظه ٨ساعات وان شاء الله خير متقلقش
الدكتور مشي
ويحيي قعد مكانه مش متخيل كل اللي بيحصله دا حاسس بالإرهاق والتعب وهوا لسه في
السن دا وحاسس أن هوا حياته هنقف على أنها تكون وحشه بس
عدا ال ساعات وكانوا اصعب ٨ساعات عليه كأنها هتحدد هوا
هيكمل ولا لا
الدكتور جه
صباح الخير يا يحيي
يحيي بلهفه ومن غير مقدمات
ماما عملت اي
الدكتور دخل ويحيي وقف قدام الباب مش عاوز يشوفها ومش قادر يتحرك متربط كان نفسه يكون دكتور كان زمانه عرف يساعدها
الدكتور خرج وهوا مبتسم
الحمد لله هى دلوقتي شبه فاقت وكمان عدت مرحلة الخطړ وتقدر تشوفها وتتكلم معاها لما هتحس بيك هتفتح عينيها
يحيي سمع كلامه ودخل ووقف قدام السرير وقرب منها ومسك ايديها
قلبي واجعنى وانتى في الوضع دا ومش عارف اعملك حاجه
وحشتيني اووي يا ماما جوايا حاجات كتير عاوز اقولها لك عاوز انام وأحط راسي على رجلك وتحسسي على شعري واحكيلك كل اللي جوايا
اصحي يا ماما بقى علشان نور وفارس محتاجينك فارس مش بياكل علشان بيحب ياكل من ايدك يلا بقى علشان خاطري مش هزعلك تاني لو انا مزعلك مش هزعلك صدقيني انا بحبك يا امي
وعمو يحيي بيحبك يلا علشان تتجوزوا وافرح بيكوا احلا ام وأحلا اب
وفضل يتكلم كتير اووي لحد ماحس أن أيدها بتتحرك تحت أيده فتح عينه ومسح دموعه وبصلها بذهول
ماما انتي صحيتي ماما
سمع انين من تحت جهاز التنفس وبدأت انها تفتح عينيها
يحيي بفرحه
يا دكتور ماما فاقت
قالها مرات كتير والممرضه جت وجابت الدكتور
وفحصها
وكلمها
عامله اي قلقتينا كلنا عليكي
الحمد لله بس حاسه انى دايخه
دا بس علشان انتى بقالك اسبوع مفارقانا
اي اسبوع
وبصت ليحيي كأنها بتقوله انا اسفه عن اللي عملته دا
يحيي قرب منها وباس أيدها
وحشتيني يا امى البيت ضلمه اووي من غيرك انا كنت حاسس انى ھموت لو جرالك حاجه لي خبيتي عليا انك عندك السكر
كفايه اللي انت كنت فيه يا حبيبي
يا امي انتى اهم من كل حاجه انتى اهم مني انتى عارفه أن لو جرالك حاجه انا ممكن اموت فيها وعارفه انى
مقدرش اعيش من غيرك
عارفه يا حبيبي ربنا يخليك ليا
ويديمك في حياتي يارب يلا بقى اخرجي احسن بطني دودتت من أكل برا وانتى عارفه طبعا نور متتوصاش في الاكل
هههههه ماشي يا حبيبي
اه وكمان النهارده اول يوم رمضان فعاوز محشي
ياااه هوا انا نمت كتير كدا
شوفتي بقى مكنتيش خاېفه على ولادك الغلابه دول
لا طبعا يا حبيبي خاېفه انت عارف كويس انتو عندي اي بس انا الدول كان خلص من عندي ومعرفتش اشتريه بسبب الظروف اللي كنا بنمر بيها
طيب لو سمحتى خدي بالك من نفسك بعد كدا
مر يومين وفريده حالتها استقرت وخرجت من المستشفى ونور فرحت اووي وفارس وقضوا شهر رمضان في خير ومحبه ولمه وكان معاهم يحيي الكبير كان بيفطر معاهم
وكمان اتفقوا أن يكون كتب كتابهم في العيد الصغير
شكلي حلو
دي كانت كلمه فريده اللي كانت حاسه نفسها عندها عشرين سنه مش حاجه وأربعين كانت بتقول لنور
يا
ماما انتى قمر في كل حالاتك انا اول مره اشوف اللمعه دي في عنيكي انتى جميله اووي وعمو يحيي كمان ياريتك كنتي قابلتيه من زمان
يا حبيبتي محدش بياخد اكتر من نصيبه صح ولا اي
اكيد
المهم انتى متاكده انك امى انا حاسه انك اختى عمو يحيي هيدلع النهارده
امشي يبت يبكاشه من هنا
في الوقت دا دخل يحيي
وصفر
اوووبا اي يا ماما الجمال دا لا انا مقدرش على كدا هتخليني اغير واقولوا معنديش بنات للجواز
بجد يا ماما انا حاسس انى بجوز بنتي مش امى
وقرب منها وباسها من جيبينها
الف مبروك يا اجمل عروسه في الكون
نور علي سبيل الضحك
عقبالي يارب عقبالي
يشيخه ودا من امتى
لما شوفت ماما
ماشي يختى
يحيي الكبير جه ومعاه المأذون وكانت آليا موجوده هى وباباها ومامتهاواخوها كان تجمع شبه عائلي وكمان يحيي عزم احمد
فريده خرجت ومعاها نور
يحيي يصلها وسرح في جمالها وكان مش قادر يشيل عينه من عليها كان حاسس انو شاب مراهق رايح يتجوز البنت اللي حارب علشانها
قربت منه وسلمت عليه
مازالت فريده محتفظه بجمالها الخاص علي الرغم من سنها الا أنها تتميز بجمال ورقه لا توجد في بنات هذا الجيل
بارك الله لكما وبارك عليكما وجمع بينكما في خير
يحيي مسك أيدها وبأسها وقالها
الف مبروك يا حرمي المصون عقبال الفرح
اي
دا هوا في فرح
يعنى عوزا بعد
تعب وحب سنين دي كلها معملش فرح واكبر فرح في مصر كمان
فارسالله عليك يا عمو يحيي واكيد في جاتوه صح
يحيي جه من وراه وضربه على قفاههوا دا اللي همك في الليله
امال مش لازم ادلع كرشي
احمد جه
يحيي عاوزك في حاجه كدا
اتفضل يا احمد
لا حاجه على انفراد
طيب تعالى
وډخله معاه اوضه الضيوف
اتفضل
انا انا بحب نور اختك
اي
متستغربش انا بحبها من اول يوم
شوفتها انا عارف انها طالبه عندي ومينفعش بس اعمل اي في قلبي اللي حبها وتتعلق بيها
وهى عارفه الكلام دا
لا والله انا كلمتك انت علشان ولى امرها غير كدا محدش يعرف وكمان انا عارف انها داخله على امتحانات علشان كدا قولتلك انت دلوقتي وبعد الامتحانات نبقى نشوف
بص يا احمد انا طبعا عمري مهلاقى لاختى واحد زيك علشان كدا انا موافق بس بشرط
اي هوا
متكلمهاش ولا تعرفها حاجه الا لما تمتحن
حاضر
متابعة القراءة
