لهيب الروح

تطلعي برة للبت دي فاهمة يا جليلة.
طالعته بعدم رضا محركة رأسها نافية بيأس من إصراره لتنفيذ ما يريده فعاد حديثه مرة أخرى پغضب
فاهمة اللي قولته يا جليلة مفيش خروج للبت دي.
أجابته مردفة بضعف وقلة حيلة عالمة أنها إذا خالفت حديثه سيفعل شيء أكبر مما فعله والأمر يزداد سوء عما به فلم تجد سوى أن تنفذ طلبه عنوة عنها

ح... حاضر يا فاروق خلاص.
في الخارج كانت مديحة تقف مع ابنتها وكل منهما يرمق رنيم بنظرات شامتة فرحين لما حدث لها تمتمت مديحة تحدثها بمكر وشماتة بعد اقترابها منها وعينيها تلتمع بالفرحة
هي دي أخرة اللي زيك في عيلة الهواري أنتي اللي حلمتي مع جواد فاكراه هيقدر يعملك حاجة فينه بقى وأنتي بتطردي كدة.
ضحكت أروى باستمتاع لكل ما يحدث أمامها وكأنها تشاهد مسرحية ممتعة ترمقها پشماتة سعيدة لما حدث لها وسارت بخطوات شامخة مغرورة أغمضت رنيم عينيها بحزن وأعين باكية تود الصړاخ تريده تريد جواد مسرعا لا تعلم كيف سيفعلها لكنها تريده بجانبها هي تواجه تلك العائلة بمفردها وهي غير قادرة عليهم.
تحاملت على ذاتها ونهضت بعد أن توجه الجميع إلى الداخل تود أن تتصل به لتخبره ما حدث له تريده بجانبها الآن لكنها لم تجد هاتفها بعد أن ألقاه وقفت تتطلع نحو الحراس الذين يقفون حولها كانت ستطلب منهم المساعدة لكنها تذكرت تهديده لها عالمة أن مهما حدث لن يخالفوا حديثه بسبب صرامته مع الجميع وخوفهم منه..
كانت جليلة تجلس بوجه شاحب حزين خائڤة مما سيحدث رمقتها مديحة بفرحة وغمغمت ببرود ماكر لټخدعها
خلاص يا جليلة أهدي محصلش حاجة لكل الزعل ده البت فعلا محتاجة تتربى عشان أنتي دلعتيها زيادة عن اللازم واللي زي دي مينفعش معاه كده اللي عمله فاروق هو الصح.
اعترضت على حديثها بعدم رضا وأجابتها مردفة بهدوء حزين وتعكس نبرتها مدى القلق المتواجد داخلها لما سيحدث بين ابنها وزوجها
ل.. لأ طبعا يا مديحة ده مش الصح حتى لو رنيم غلطانة بس اللي عمله فاروق هو كمان غلط وجواد ليه حق في اللي هيعمله دي مراته مهما حصل ومينفعش تتطرد بره بيته.
تفاجأت بفاروق من خلفها مغمغما پغضب حاد مشددا فوق حديثه يصحح حديثها الأحمق كما يرى
بيتي ده مش بيته يا جليلة ده بيت فاروق الهواري وابنك اللي عاوز يعمله يعمله هو أنا هخاف ما تعدلي كلامك شوية.
لم تعجب بحديثه وطريقته معها لكنها فضلت الصمت حتى لا تجعل الأمر يزداد سوء في المنزل وفاروق سيزداد من عناده وغضبه فصمتت كما تفعل دوما صمتت بضعف وضيق فكل ما يحدث لم يعجبها لكنها غير قادرة على تغيير شيء دوما تسعى لتغيير فاروق وطريقته الحادة الغاضبة لكنها فشلت في فعل ذلك..
ظلت رنيم في مكانها كما هي تبكي بضعف وقلة حيلة لا تجد مكان تذهب إليه الآن هي حقا بلا مأوى لكن ماذا ستفعل! كيف ستتخلص من كل ذلك! تشعر بظلمة وقسۏة الحياة عليها دون أن تعلم السبب دوما تسلب منها السعادة قبل أن تشعر بمذاقها وكأن الحزن والۏجع والقهر كتبوا عليها طوال حياتها.
عاد جواد ليلا بعد أن أنهى عمله حاول الإتصال برنيم عدة مرات لكنه لم يصل لشيء ولا أحد في المنزل يجيبه كان يعلم أن هناك شيء حدث لم يعلمه لكن 
يربت فوق ظهرها بحنان محاولا تهدئتها حتى يفهم ما الذي حدث متمتما بهدوء وحنان
أهدي بس وفهميني ايه اللي حصل وأنا هتصرف بس أهدي وبلاش عياط.
ظلت مستمرة في بكائها بضعف متمتمة بكلمة واحدة متعلثمة غير مفهومة
ا... أنا م... مش ح... حرامية مش حرامية والله.
لم يكن يفهم لماذا تتمتم بتلك الكلمات! لكنه ظل يحاول تهدئتها مؤكدا حديثها بهدوء
أهدي يا حبيبتي أهدي أنا عارف طبعا فهميني بس اللي حصل وأنتي ايه اللي طلعك بره كده
قصت عليه ماحدث بإيجاز ونبرة خاڤتة وهي ترتعش داخل أحضانه كان يستمع إليها پغضب غير مصدق ما تقوله هل حقا حدث لها ذلك على يد والده الذي لم يهتم بصورته أمام زوجته الآن كان يقف بجسد متشنج غاضب وقد برزت عروقه أغمض عينيه بقوة ولازال يستمع إليها بقلب ېحترق پغضب.
ظل صامت
لعدة لحظات بعد أن انتهت من حديثها ثم تحدث بنبرة غاضبة حازمة مستنكر ما استمع إليه
أنا هتصرف هما إزاي يعملوا كده حقك هجيبه منهم كلهم أهدي وبلاش عياط.
شدد من احتضانه عليها بحنان ليجعلها تهدأ طالعته وتمتمت پخوف وضعف
ه...هو أنت مصدقني صح والله ما أنا اللي خدته أنا دخلت لطنط عادي والله يا جواد أنا عمري ما اعمل كده أنت مصدقني صح.
اومأ برأسه أماما بهدوء يخبرها أنه يعلم كل ما تقوله يعلم أنها لن تفعل هكذا سار بها نحو الداخل كانت تسير بخطوات متعثرة بطيئة خائڤة مما سيحدث...
دلف المنزل بوجه مكهفر غاضب قبل أن يستكمل طريقه وجد فاروق يجلس في بهو المنزل بصحبة الجميع وكأنه ينتظر قدومه كانت تقف تتشبت في قميصه پخوف وقف فاروق قبالته مغمغما بغرور حاد مشيرا بسبابته نحو رنيم بطريقه مهينة ويرمقها بنظراته الغاضبة التي اخترقتها وجعلت خۏفها يزداد
مين اللي دخل البت دي هنا تاني مش قولت متدخلش تاني غير لما تتربى وتعرف هي بتتعامل مع مين وتعرف مقامها كويس.
وقف جواد قبالته مقتربا منه پغضب ونظراته مصوبة نحوه بعدم رضا معلن غضبه التام من فعل والده الذي دوما يتجاهل وجوده
ليه عاوز تطلعني صغير ومصمم كمان رغم إن أنا بحترمك ليه بتعمل كده!
طالعه باستهزاء دون أن يعير حديثه اهتمام وغمغم بحدة غاضبة موجه حديثه نحو رنيم التي ترتعش بضعف وخوف
أنا مش قولتلك اللي زيك ميدخلش هنا تاني.
قبل أن ترد عليه صاح جواد پغضب بعدما فشل في السيطرة على ذاته أمام طريقة والده المقللة من شأنه كان يرمقه بنظرات غاضبة حادة بعدما برزت عروقه أمامه
أنا بكلمك رد عليا أنت ليه بتعمل كده عاوز ايه ليه مصمم على اللي بتعمله عاوز توصل لإيه مش بتحترمني ليه المفروض أعمل ايه لما تمد ايدك على مراتي أنا مش هسكت أنت اتخطيت كل حاجة بعد اللي عملته ده.
ضحك فاروق بسخرية وأجابه ببرود ولا مبالاه
أنت عاوز ايه غلطت وبأدبها عشان تتعلم بعد كده ترد على فاروق الهواري واللي أنت واقف بتدافع عنها حرامية..
ضحك ببرود وتابع حديثه مجددا بلهجة ساخرة مشيرا نحوها باحتقار
مرات الظابط جواد الهواري حرامية وزعلان أني طردتها ده أنا المفروض احبسها.
أجابه الآخر غاضبا معترض على حديثه بلهجة مشددة بحزم وقد توهجت عينيه لتظهر مدى الڠضب المتواجد داخله
هي مش حرامية وأنا واثق فيها رنيم متعملش كده وأنت ولا غيرك ليك الحق أنك تمد ايدك على مراتي مهما حصل مراتي محدش يحاسبها غيري.
مسكه فاروق من أطراف قميصه پغضب ورد على حديثه بحدة وعصبية شديدة
ما تفوق لنفسك يا جواد أنا أبوك أنا فاروق الهواري اعمل اللي يعجبني لا أنت ولا عشرة زيك يقدروا يعملولي حاجة ولا يقفوا قصادي.
رمقه جواد بنظرات حادة بعدما انتفخت اوداجه پغضب وصاح أمامه يرد على حديثه المتعجرف
لا أقدر طالما الموضوع يخص مراتي يبقى أقدر ده حقها مش حقي وإن كنت بسكت في اللي بتعمله معايا ده ميدكش الحق إنك تعمل كده في مراتي..
حاولت جليلة التدخل ممسكة بيد فاروق بضعف وتمتمت بنبرة باكية متوسلة إليه
ف... فاروق خلاص خلاص عشان خاطري كفاية كده وغلاوتي عندك.
تطلعت نحو جواد وتابعت حديثها مجددا محاولة إنهاء الأمر
جواد عشان خاطري يا حبيبي خلاص مش هتحصل تاني.
وجهت بصرها نحو رنيم الباكية وتحدثت بضعف
خلاص يا حبيبتي متزعليش حقك عليا واللي حصل والله ما هيتكرر تاني.
صاح فاروق پغضب بعد استماعه لحديثها الموجه لرنيم
أنتي بتعملي ايه اللي زي دي متتكلميش معاهم وهي مش هتفضل هنا دة آخر كلام عندي.
غمغم جواد يرد على حديثه بكبرياء متطلع أمامه بحدة
لا أنا ولا مراتي هنقعد هنا تاني كلامي دلوقتي مش عشان أقعد هنا أو لا كلامي في اللي عملته أنت مينفعش تمد ايدك على مراتي هي متجوزة راجل ولازم أجيب حقها.
لطمت جليلة فوق صدرها بقوة صاړخة معترضة بعد استماعها لرد جواد
جواد يا حبيبي تمشي
فين خلاص يا فاروق اسكت اللي حصل يا حبيبي مش هيتكرر تاني بس اهدى عشان خاطري
صاح بها فاروق بحدة لتصمت
جليلة.... اسكتي خالص ومتدخليش.
تطلع نحو جواد ببرود مغمغما بلا مبالاه
لو عاوز تمشي أمشي ميهمنيش خد الحرامية وأمشي من هنا.
ضړب جواد المنضدة التي أمامه بعصبية وضيق مغمغما بحدة
مراتي مش حرامية وهمشي فعلا لا أنا ولا هي عاوزين نقعد في البيت ده.
وجه حديثه بهدوء نحو رنيم الواقفة تبكي بصمت لا تصدق ما تراه أمامها يقف أمام والده لأجلها لم يهتم بحديثه ويثق بها هي
اطلعي يا رنيم جهزي الحاجة بتاعتنا عشان نمشي. 
تمسكت جليلة به متمتمة بضعف وقد بدا التعب فوق وجهها محاولة التدخل لإنهاء قراره
جواد تمشي ايه يا حبيبي والله اللي حصل ما هيتكرر تاني محدش هيكلم رنيم كلمة بس أهدى بس أنا مقدرش أبعد عنك.
لم ينكر حزنه على والدته وخوفه عليها عالما طريقة والده القاسېة الحادة بعض الأحيان معها أغمض عينيه بضيق واحتضنها بحنان مردفا
بإصرار بعد شعوره بإهانة زوجته
ولا أنا اقدر هاجيلك على طول متقلقيش أنا عمري ما أبعد عنك بس مينفعش نقعد هنا أنا ورنيم بعد اللي حصل.
تابع حديثه متطلع نحو رنيم التي لازالت واقفة كما هي في مكانها
يلا يا رنيم اطلعي جهزي حاجتنا عشان نلحق نمشي.
رمقه فاروق بغيظ شاعرا بالضيق كونه اختار زوجته وفضلها عليه وعلى والدته لم يتخيل يوما أن يترك المنزل نهائيا لكنه ظل كما هو يقف بشموخ وبرود يظهر اللا مبالاه فوق ملامحه وغمغم بكبرياء وعند
اطلعي يا سما معاها عشان تتأكدي أنها بتاخد حاجتها بس مش حاجات تانية..
ابتلعت رنيم تلك الغصة القوية التي تشكلت داخلها من إهانته لها شعر بها جواد هو الآخر وانفلتت مشاعره فاقدا السيطرة على ذاته بعد حديث والده الذي جعله يستشاط ڠضبا ملقيا كل ما كان أمامه أرضا صائحا پغضب وتوعد
أنت بتقول ايه اللي بتقوله ده جنان أنا مراتي متعملش كده دي أحسن من الكل أنت اللي هتفضل كده زي ما أنت عاوز ايه هسيبلك البيت كله وأمشي كفاية لغاية هنا خلاص.
توجه نحو رنيم يحتضنها بحنان شاعرا بالحزن لأجلها مشدد من احتضانه لها كأنه يخبرها أنه يشعر بها مستنكر أفعال والده التي تجعله يشعر بالخجل..
كانت مديحة تقف تشاهد كل ذلك بتسلية وكأنها ترى مسرحية أمامها تستمع إلى إهانة رنيم بابتسامة واسعة تزداد اتساعا بعدما تستمع إلى شهقاتها الباكية وترى دموعها التي تسيل بلا