تفاصيل سبب اعتذار اسعاد يونس لمحي اسماعيل اكتر من 68 مره

سبب اعتذار اسعاد يونس لمحي اسماعيل اكتر من مره

- ليه مبتشتغلش بقالك كتير يا محيي؟

= وإنتي ليه متنتجيش ليا فيلم؟ .. ده أنا جيت أعمل فيلم مع شركتك وكرشتوني

- والله العظيم ما حد كرشك أنت اللي زعلت ومشيت، وأنا كنت مسافرة أصلاً وقتها
= أصل المقابلة معجبتنيش، الناس اللي عندك في الشركة قابلوني مقابلة وحـشة جداً

قولتلهم فين مدام إسعاد، قالولي مش موجودة، قولتلهم شكراً مش هشتغل معاكم ولا معاها، بناقصكم
- يا محيي ده أنا قولتلك حقك عليا 68 مرة، ده أنت بقالك سنين كل ما تشوفني تفكرني عشان تخليني اعتذرلك وبعد ما اعتذرلك برضو مبتنساش
= ولو، مش أنا اللي اتقابل كده، صاحب شركة الانتاج لازم يقابلني بنفسه عشان أقبل اشتغل معاه، أنا بدأت مع أكبر منتجين مصر بيقابلوني على أعلى مستوى لأن أنا محيي اسماعيل ومقابلتي بشكل لا يليق بيا ذنب لا يغتفر