سكريبت بقلم سولييه نصار
المحتويات
سكريبت بقلم سولييه نصار
انا عايزة اتجوزه بصراحة لما اعمله سحر اسود
قولتها بصراحة تامة اقرب للبجاحة ...بصتلي امي وقالت
شوفي البت البجحة عايزة اعرف كنتي فين وانا بربي اخواتك ...دول اخواتك الرجالة يتكسفوا ما يقولوا كده ...
الله يا حاجة كوثر يعني اخبي عليكي مثلا واتجوزه من وراكم واجيبلكم العاړ ...واهرب واخواتي يطاردوني ويفضلوا يقولوا التار ولا العاړ!!
هزيت راسي وانا بضحك وقولت
ده كفاية أن اسمه زيكو ..ده سبب كفاية اني ارفضه تخيلي اجيب لولادي اب اسمه زيكو دوول لا هيسامحوني دنيا ولا آخرة!!!وبعدين زيكو ده مناخيره كبيره ...
بس الواد مناخيره صغيرة حرام عليكي ..
لا يا امي كبيرة ...بيحشرها في حياتي بدل ما يخليها في وشه ...ده سألني في مرة بقبض كام ...وانا ليا خصوصياتي !!
ضحكت امي بتريقة. وقالت
خصوصيات ايه يا ام خصوصيات ...ده العيلة كلها تعرف بتأخدي كام من شركتك دي..دوول هما خمس تلاف عمي قارفانا بيهم ...
وبعدين سبتها ومشيت ....
تاني يوم ...
كنت قاعدة في المكتب اللي بشتغل عليه بس بصراحة مكنتش بشتغل كنت ببص علي اسر مديري وانا مبتسمة زي الهبلة....
فاتحة بوقك زي الجحش ليه !!
اتنفضت وانا بسمع رأفت زميلي في الشغل وهو بيكلمني ...بصيتله بقرف وقولت
ضحك رأفت وقال
يا بت بطلي الدبش اللي انتي بتحدفيه ده يخربيتك ..مش هتتجوزي ...
بصيتله بفزع وقولت
بجد تفتكر المدير مش هيتجوزني واضطر البس في زيكو اللي حاشر مناخيره في حياتي ...
ضحك رأفت وقال
انتي لحد دلوقتي مقدرتيش تعملي حاجة افتكرته معجب بيكي ...
فعلا هو معجب بيا بس شكله مكسوف اروح اعترفله أنا
يا بت اتهدي ...
طب اقولك اخليه يعترف هو ...
ازاي
قالها بحيرة فقولت
بص أنا هروح واقوله اني هتجوز وهو يتلحلح ايه رأيك ...
وافرض متلحلحش هتعملي ايه ...
اتنهدت بتعب وقولت
هعمله سحر
نعم يختي
صړخ رأفت فيا فكملت
ايوة اعمله سحر سفلي واخليه خاتم في ايديا اليمين ...بس عايزة حاجة من قطره تفتكر لو اخدت القلم بتاعه ينفع ...
لا
يبقي اكيد عبيطة بالوراثة !
معتقدش معندناش في العيلة مخه لاسع هما بيحشروا مناخيرهم في اللي ملهومش فيه بس ...
يبقي اكيد وقعتي علي راسك وانتي وصغيرة...
لا برضه انت ليه بتسأل ..
ضحك وهو بيهز رأسه وقال
اصل متقنعنيش انك طبيعية يا نسرين اكيد عندك جينات تخلف وحابب اعرف ايه السبب ...طب شربتي لبن فاسد ...
انت بتتريق صح ...
اومال اتكلم جد ...سحر ايه الله يخربيتك ابعدي عن العته ده واشتغلي يختي بدل ما يطردك من الشركة ...
وبعدين مشي وسابني ...
هزيت رأسي وانا بقول
كل ده عشان قولت هعمله سحر اومال لو عرف اني بفكر اهدده بصوره وهو صغير وأمه بتحميه في طشت الغسيل عشان يتجوزني هيعمل ايه ...حكم ...
فجأة لفت انتباهي واحدة جميلة داخلة الشركة ...وقفت عند السكرتيرة بهدوء ...قربت أنا منها وسمعتها بتقول
قولي لأستاذ أسر اني عايزة أقابله ...
بصتلها السكرتيرة بحيرة وقالت
طيب اقوله مين !!
انا الهام الشريف ... خطيبته....
لطمت علي وشي وقولت
المدير اتشقط !!!
وفجأة اغمي عليا !!!!!
يتبع
الجزء التاني بقلم سولييه نصار
متابعة القراءة
